【十三短打】意大利趸今晚点瞓得着?

【Dafabet体育】到底意大利可以绝处逢生,抑或经历60年嚟首次缘尽世界杯嘅痛?「保方保方,保住后方!」呢句球迷讲咗十几廿年嘅话,又会唔会从此成为国际舞台嘅绝唱?太多问题,太多情绪,意大利趸,今夜点瞓得着? 撰文:球十三 咪话新一代,「60后」打后嘅球迷都未见证过传统强国意大利无份踢世界杯,有个老友话首回合前听到云杜拉唔信踢唔到决赛周,个心已凉半截,蓝军意大利时间今夜摆阵再斗瑞典图收复0:1失地,赛前又听见老人家讲相同说话,真系担心多两钱重。老实,若然意大利出局,佢固然冇得捞,但边有人关心佢去留,关心系大家熟悉嘅球星。 以保方为首嘅防线,食老本食咗好多年,若然决赛周不入,保方固然退落嚟,怕且阵中个别老将,好似另外两个2006年世界杯冠军成员巴沙利、迪罗斯怕且都「𠮶头近」。当然大家最唔舍得会系钢门保方,一代门神缘尽决赛周,对球迷都系损失。 咪住!仲有90分钟,边个敢写死队波。不过眼见北爱尔兰同希腊两场次回合都闷和0:0,未能收复失地,今晚意军面对死守,会唔会又整场0:0? 圣西路系蓝军福地,据讲队波喺呢个米兰主场踢嘅国际赛未输过,不过今夜唔输都唔够,一定要赢,而且仲要咪失波,失1球就至少攻入3球,以意军目前锋力,3球太难。 所以讲到尾,波固然要入;后防实在不容有失,晋级先缺条件,仲系要靠保方保住后方先。 撰文:球十三 足球迷叫第十二人,冇偏爱,冷眼旁观系十三。 email:[email protected] 欢迎浏览球十三fb专页,若得到波友一个like,就是我们团队的一大鼓舞: www.facebook.com/ballthirteen 图片来源 : ©AFP

发表评论

电子邮件地址不会被公开。 必填项已用*标注