【十三短打】修夫基打吡都唔睇……正路吖

【Dafabet体育】曼彻斯特打吡,明明系英格兰球坛大事,贵为英格兰国家队主帅嘅修夫基并唔系座上客,反而走佢睇榄球super league,于理不合?唔系㖞,事后睇返,佢决定都咪话唔明智。 撰文:球十三 呢场曼彻斯特打吡,十三身边好多友人赛前都好期待,当中有老友抱「挨埋佢,反正过几日又有红假叉番电」嘅心态,结果发现喺社交网络留言,由开波前好多人讲、比赛期间仲有人讲,到下半场愈嚟愈少人讲,然后……。证明唔少人喺呢场以和为贵嘅比赛,挨唔足全场就去揾周公。 查实呢场波嘅格局都好清楚,赢波3分系重要,但先讲曼联,根本唔够人脚争胜,全场得1次中框射门咁大把,连摩连奴赛后都承认为和波而战。至于哥迪奥拿话面对屯兵防守嘅曼联难踢,计我话系佢嘅尖刀唔争气,就讲阿古路9次射门颗粒无收,原来平咗佢喺英超射门多0入波嘅纪录。 讲返修夫基,愈嚟愈觉得佢有大将风范,大战?唔睇就唔睇,更觉佢有先见之明,似乎预计呢场波会紧张而唔精彩。再讲,双「曼」阵中嘅英格兰国脚查实唔多,而以曼联嘅福仔为例,全场得𠮶28次「掂」波,证明修夫基醒水,有时间宁愿暂时抛低足球轻松下,真系睬你都傻。 图片来源 : 互联网

发表评论

电子邮件地址不会被公开。 必填项已用*标注